心臟病資訊
30分鐘就夠護心
分享到：
2019年 4月 18日
仲有唔夠1個月就係「世界心臟日2019 健心跑暨親子嘉年華」啦，好期待呀！香港心臟專科學院院士陳良貴醫生提醒大家，除咗當日要做運動，「日日運動30分鐘」對心臓有莫大裨益！
要注意所指的運動，是做帶氧運動，即令心跳及呼吸加速及和會出汗的才算，例如跑步、急步行、游泳和玩球類運動等也可以，所以唔好意為行街shopping 就當咗自己做運動呀！如能持續每星期最少5天，每天做30分鐘運動，就可以減慢心跳率、改善高血壓、減低壞膽固醇、增加好膽固醇、控制體重，長遠來說，能預防冠心病，益處多多！
不同年齡都適合日日運動，不過年齡太細 (5歲以下兒童)或長者就要量力而為。我們也鼓勵心臟病患者做運動，但患者需要向專業醫生諮詢意見，並要視乎心臟情況而定！
你今日跑左未？大家加油呀！