心臟病資訊
「世界心臟日2022健康榮譽大使」曾俊華先生：全面保護心臟，「養生 ‧ 強身 ‧ 護心」好重要
分享到：
2022年 10月 8日
曾俊華先生：大家好，好榮幸今年能夠擔任「世界心臟日」健康榮譽大使。我本身也是一個心臟病患者，當我經歷過心臟病發需要緊急通波仔之後，我深切體會到「一顆強壯的心」重要性，所以到現在我都會定期檢查身體，確保身「心」健康。
恆常運動對「強身護心」非常重要，大家記得每星期都要做最少150分鐘中等強度帶氧運動，給心臟動多點、跳多點。每星期我都會返母校同師弟們切磋練劍，除咗劍撃場上「打得」，在武術場我都同樣「耍得」㗎！
當然，生活上亦要配合埋良好的飲食習慣，千其不要吸煙！保持心境開朗以及良好的睡眠至能真正達到「養生‧強身‧護心」，全面保護心臟！
今年世界心臟日嘅主題是「護心起動 Ready…Go」，希望大家可以同我一齊做運動 強健心臟，香港心臟專科學院準備了一連串嘅活動與大家同心護心。人生無常，大家要把握當下，認清自己的身體狀況，保護好心臟，先可以好好享受人生。由今日開始，立即同身邊嘅親朋好友一齊踏出第一步，展開護心行動！Are you ready? Let’s Go!
今年的心臟健康嘉年華將於10月23日喺觀塘apm商場舉行，我都會出席同大家一齊分享護心信息，約定你地，一齊來健身‧強心！