心臟病資訊
「世界心臟日2022健康榮譽大使」郭富城先生約定大家一齊開心護心「動起來～」
分享到：
2022年 9月 29日
一年一度世界心臟日又開始了，非常開心連續第六年邀得Aaron郭富城擔世界心臟日健康榮譽大使
郭富城先生表示：
「無論工作有幾忙，我都建議大家要保持恆常嘅運動例如做GYM、跑步、踩單車等等，希望將身心保持係最FIT嘅狀態。增肌強心、舒緩壓力。
不過，單靠運動「護心」係唔夠，每年我都去做身體檢查，包括有確保自己嘅血壓、血糖及膽固醇維持係正常水平。而日常生活方面，亦都要謹記三低一高零反式的飲食法則，遠離煙酒，先至能夠真正360度全面保護心臟！
今年世界心臟日嘅主題係「護心起動 Ready…Go」，香港心臟專科學院舉辦一連串嘅活動同大家一齊去護心，而重頭戲就係10月23日喺觀塘apm舉辦嘅「心臟健康嘉年華」喇！
咁心動不如行動，由今日開始密切關注所有保護心臟嘅小貼士，同我一齊開心護心～動起來～」