心臟病資訊
「世界心臟日2021健康榮譽大使」郭富城先生呼籲大家支持世界心臟日
分享到：
2021年 10月 19日
大家好，我係Aaron郭富城。好開心今年繼續擔任世界心臟日嘅榮譽大使，同大家推廣護心心得。
如果大家想輕鬆護心唔吃力，就要記住護心公式310。即係「三低一高零反式」！由今開始大家嘅飲食法則就係---低鹽低糖低油高纖維，以及零反式脂肪！
無論買咩食物都要睇清楚營養標籤係咪310！記住護心310法則，就係食得健康有分守寸。日常生活入面就好似我咁，無論幾忙都一定要抽時間做足夠運動，定期驗身，咁就可以預防心臟病喇！
今年嘅世界心臟日主題係「護心公式你要識：三低一高零反式」，大家要謹記呢一個護心310法則。香港心臟專科學院準備咗一連串活動教大家齊齊護心，包括線上線下同步嘅同樂日、健康講座同繪畫比賽，詳情可以上網搜尋「心臟健康頻道H2C」， 或者上「世界心臟日Facebook專頁」了解多啲，總之約定你一齊參加，人人都可以做護心專家！
心臟健康頻道H2C: https://hkhearthealth.com/
世界心臟日Facebook: https://www.facebook.com/HongKongCollegeOfCardiology