心臟病資訊
平日喺Office坐定定，放假又喺屋企唔想郁？跟住家燕姐一齊做十字步啦！
分享到：
2022年 10月 6日
星級愛心大使 薛家燕小姐：身為一個artist，平日工作拍攝四圍走，有時候拍外景仲要上山下海，日曬雨淋，心臟唔夠強健點得㗎！不過做嘢咁忙，邊有時間做運動？要「強心健體」，唔一定要做好激烈嘅運動，最緊要係郁多啲，唔好成日坐喺度！我平時返工一休息，就會做我招牌動作十字步啦。大家返工成日都坐喺度，不如起身做吓十字步，返工又做吓，返屋企又做吓，比個身體郁多啲。唔使太激烈嘅，配合埋其他令身體微微發熱，唔會喘氣嘅動作，例如健走、伸展運動，就已經可以好有效保護到心臟啦！
今年世界心臟日嘅主題係「護心起動 Ready…Go」，一連串嘅活動已經開始咗，詳情請留意世界心臟日FACEBOOK專頁，或者瀏覽心臟健康頻道(H2C)網站：https://hkhearthealth.com/